„Психолошки гледано, кругот ни овозможува да се втиснеме себеси, односно нашето ‘јас’ во една универзална, безгранична шема на универзумот и на тој начин да се поставиме на рамноправна основа со сите живи суштества, дури и со сè што не опкружува. Токму тоа го правам и јас, втиснувајќи се ‘себе’ – моите мисли, емоции во сликата – во кругот. Тоа го правам користејќи различни медиуми и техники како што се графичките техники линорез и релјеф печатење, колаж, фотографија, цртање, сликање. Ја истражувам бесконечноста на варијанти на играта со кругот“, вели Јовановска.
За Бартник битно е сликата да ја надмине својата функција како портрет на реалноста.
„Така што постигнатата уметничка форма е целосно доволен поттик не само да се разбудат сеќавањата на гледачот за слични места и ситуации, кои ми станаа инспирација за сликање слики, туку и за стимулирање на читањето на значењата“, вели Бартник.
