Познат е и претпоследниот патник во четвртфиналето, Холандија со 3-0 ја совлада Романија за продолжување на авантурата на континенталниот собир.
„Лалињата“ го имаа поседот на топката, напаѓаа постојано и упатија дури 24 удари кон голот.
Резултатот го отвори Гакпо, кој биеше на поблиската статива во 20. минута и го совлада голманот на Романија, кој мораше да реагира подобро.
Избраниците на Куман потоа пропуштија неколку добри прилики за да ја потврдат победата, и за вториот гол се чекаше дури до 83. минута, кога Гакпо извлече една топка од гол-аут линијата и го проигра Мален за рутинска реализација и 2-0.
Во последните мигови од мечот, Мален повлече една контра и сам завршуваше за 3-0.