„Нападот се одвива преку добивање на СМС-порака која се претставува дека е од банката и бара од вас на измамнички сајт да ги внесете вашите податоци. Адресата на сајтот е vasata-bezbednost-halkbank и истата е измамничка и на никој начин не е поврзана со банката. Ве молиме да не кликате на линкот кој ќе го добиете во СМС, и да не ги давате вашите податоци на посочената адреса“, се нагласува во објавата на банката на Фејсбук и на нивната веб- страница.
Исто така Халк Банка АД Скопје посочуваат дека во иднина можно е да се смени адресата на измамничкиот сајт.
„Халк Банка АД Скопје никогаш нема од вас да ги побара вашите лични и податоците за платежните картички на овој начин. Целокупната комуникација помеѓу банката и клиентите се одвива преку официјални канали кои се и потврдени од страна на банката“, наведуваат од банката.
Доколку некој од клинетите веќе ги внел своите податоци на измамничкиот сајт, од банката потенцираат дека мора веднаш да се јават во контакт-центарот на Халк Банка АД Скопје, за да се преземат понатамошни активности за спречување на измамите.
Телефонскиот број на контакт центарот е +389 2 3296 330 и и e на располагање 24 часа во денот.
