Градот Скопје апелира до сите надлежни државни институции да направат ревизија на поставените раководни кадри во седум училишта во општина Гостивар, кои на целосно незаконски, нелегитимен и нетранспарентен начин без поседување уверение за директор се поставени и тоа во СОМУ Гостивар, ООМУ Енвер Стафаи, СЕОУ Гостивар, ОУ Гоце Делчев, ОУД Бранко Станоевиќ и ОУ Прпарими.
Жалиме што Алијанса за Албанците, на кои не им успеваат притисоците врз градската администрација да постават нивни кадри по партиски клуч, мора да посегне по вакви лаги и манипулации.
„Кадрите на градоначалникот на Гостивар, Арбен Таравари се раководни лица во институцијата која ги контролира сите наводи, прави по нарачка селективни напади и политички се пресметува со неистомислениците и оние врз кои не може да влијае, а не помислуваат да покренат постапка за општината во која градоначалник е токму тој, за што ќе бидеме должни пред јавноста да ги изнесеме сите наводи и да побараме покренување на соодветна одговорност од институциите особено за противзаконското работење за горенаведените лица“, пишува во реакцијата на Град Скопје.