„Во следните неколку недели ќе одржиме конференција со цел да овозможиме хуманитарна помош, поддршка за меѓународната заедница и давање поддршка на либанските вооружени сили за таму да се зајакне безбедноста, особено во јужен Либан“, рече Макрон по состанокот на претставниците на земјите на француското говорно подрачје во Париз.
Израел започна интензивна кампања на бомбардирање во Либан во последниве недели и испрати војници преку границата, по речиси една година конфликт со милитантната група Хезболах поддржана од Иран.
Борбите претходно беа главно ограничени на израелско-либанската погранична област и се одвиваа паралелно со едногодишната војна на Израел во Газа против палестинската група Хамас.
