За време на престојот во Киев, Фон дер Лаен ќе се сретне со украинскиот претседател Володимир Зеленски, со премиерот Денис Шмихал и ќе се обрати пред пратениците во украинскиот парламент.
Претседателката на Европската комисија рече дека ќе разговараат за прашањата за проширувањето на ЕУ, финансиската и воената помош за Украина, како и подготовките за 12-тиот пакет санкции против Русија. Нејзината посета доаѓа неколку дена пред објавувањето на извештајот за напредокот на земјите-кандидати за членство во Европската унија, што Комисијата ќе го објави в среда.
Комисијата се очекува да им препорача на шефовите на државите или владите на ЕУ отворање на пристапни преговори со Украина.
