Однадвор, ажурираниот Т-крос е веднаш препознатлив по новиот дизајн на неговиот преден и заден дел со нови интегрирани ЛЕД фарови, ЛЕД дневни светла и ЛЕДзадни светла. Ај-кју лајт ЛЕД матрикс фаровите се целосно нов развој на Фолксваген и се нудат за прв пат на Т-крос.
Централниот елемент во внатрешноста на новиот Т-крос е централниот дисплеј. Стандардниот екран на допир мери 8 инчи (20,3 сантиметри) преку дијагоналата; врвната верзија има 9,2-инчен дисплеј со дијагонала од 23,4 сантиметри. Дополнително, сите верзии со пет седишта со четири врати сега стандардно ќе бидат опремени со дигитални инструменти. Инструмент таблата во Т-крос, исто така, претрпе целосен редизајн: како и кај поголемите модели на Фолксваген, инструмент таблата се карактеризира со меко обложени и значително поквалитетни површински материјали. Истото важи и за тапацирите на предните врати на верзиите стајл и Р-лајн. Стандардно има рачен систем за климатизација, а како опција е достапен автоматски клима уред.
Т-крос отсекогаш имал еден од најпространите и најразновидните ентериери од сите компактни теренци. Импресионира со докажаниот оперативен концепт, добро уредениот простор за најмногу пет лица, задната клупа која може надолжно да се помести за 140 милиметри и исклучително флексибилниот багажен простор. Кога сите седишта се зафатени, Т-крос нуди капацитет на багажниот простор од 385 до 455 литри кога е натоварен до висината на задната клупа. Кога задното седиште на клупата е преклопено (поделено 60:40), ова создава рамна товарна површина со простор до 1.281 литри (натоварено до висината на потпирачите за грб на предните седишта). Совозачкото седиште може дополнително да се преклопува стандардно од нивото на опременост лајф и нагоре. Максималната достапна должина на товарниот простор од задниот до предниот дел изнесува 2.398 милиметри и овозможува складирање на сè – од даски за сурфање до параглајдери.
Фолксваген, исто така, го зголеми оптоварувањето на кровните носачи на Т-крос за значителна разлика: од 55 на 75 килограми. Овие дополнителни 20 килограми го зголемуваат максималното оптоварување што може да делува вертикално на опционалната демонтажна влечна кука. Затоа, новиот T-Cross нуди поголем капацитет за влечење тешка приколка. Во исто време, се зголемува максималната дозволена тежина на велосипедите што може да се превезуваат на носач поставен на влечната кука – нешто што е особено важно за транспорт на е-велосипеди.
Значително надградената основна верзија на Т-крос сега ќе вклучува функции како што се новите ЛЕД фарови (наместо халогени), нови ЛЕД задни светла, мултифункционална камера, динамичен дисплеј за патни знаци, дигитален кокпит и нов слободно стоечки инфозабавен дисплеј за сите верзии. Следниот чекор е верзијата лајф, која вклучува, на пример, нови 16-инчни алуминиумски тркала и кожен мултифункционален волан. Најдобрите верзии се пакетите со спецификации стајл (за поголема елеганција) и Р-лајн (со спортски акценти). Новите модели Т-крос се придвижувани од добро познатите, ефикасни ТСИ мотори на Фолксваген.
