Според гувернерката на Њујорк Кети Хочул мобилизирана е Заедничката служба за борба против тероризам на ФБИ за да го истражи инцидентот. Во експлозијата загинаа две лица во возилото, додека еден граничен службеник е ранет.
„Во моментов нема индикации за терористички напад“, рече Хочул за време на прес-конференција.
Гувернерката рече дека автомобилот изгорел и ништо не останало од него освен моторот и делови расфрлани на местото на настанот. Истрага е во тек, додаде таа.
Возилото се движело со исклучително голема брзина пред да удри во тротоарот, рече таа.
CBP is working closely with @FBI, federal, state & local partners in response to a vehicle explosion at Rainbow Bridge which remains closed. Out of abundance of caution, CBP temporarily suspended inbound/outbound traffic at 3 other Buffalo crossings that have since reopened. pic.twitter.com/pTXyUsavRB
— CBP (@CBP) November 22, 2023
„Возачот е жител на западен Њујорк, кој најверојатно бил во близина пред да почне да вози со голема, екстремно голема брзина, што резултирало со удар во тротоарот, што предизвикало возилото да полета“, рече Хочул.
Автомобилот прелетал преку ограда висока 2,4 метри, додаде гувернерката.
?Big Explosion Just Occured at Niagara Falls On US-Canada Border At Rainbow Bridge
ALL FOUR international border crossings between the United States and Canada in Western New York are now closed.
Apparently, a vehicle containing an unknown number of people and contents… pic.twitter.com/CDKK9t0Hc5
— UltraMJTruth (@MJTruthUltra) November 22, 2023
Првичните индикации од Американската агенција за царинска и гранична заштита (ЦБП) беа дека инцидентот го предизвикал несовесен возач чии постапки резултирале со судар и пожар.
Но, иако претставниците на ЦБП не ја отфрлија можноста за намерен напад, првичните резултати не го сугерираат тоа.
Си-ен-ен, повикувајќи се на анонимни извори, соопшти дека автомобилот пристигнал од канадската страна на американската страна.
JUST IN: New footage coming from the Rainbow Bridge in Niagara Falls, NY.
— Mike Sperrazza (@MikeASperrazza) November 22, 2023
Заедно со Рејнбоу Бриџ, превентивно беа затворени уште три гранични премини долж реката Нијагара меѓу западниот Њујорк и јужниот Онтарио: Пејс Бриџ, Левистон-Квинстон Бриџ и Вирпул Бриџ.
Другите меѓународни гранични премини останаа отворени, но со „зголемена претпазливост“, рече гувернерката.
Тие три моста преку кои возилата ја минуваат реката Нијагара меѓу Онтарио и државата Њујорк се меѓу најпрометните премини во светот.
Засилени се мерките за безбедност и на аеродромите и железничките станици, соопшти кабинетот на гувернерката.
Меѓународниот аеродром Бафало ги затвори сите влезни и појдовни меѓународни летови, објави Федералната управа за авијација на својата веб-страница.