Достоинство ќе излезе од власта ако биде отфрлена иницијативата за обештетување на бранителите

„Крајно сме разочарани и револтирани од пратениците на СДСМ кои пред неколку дена гласаа против предлог законот за дополнување на законот за Бранители. СДСМ има можност да ја исправи оваа голема неправда која ја нанесе на македонските Бранители од 2001 преку носење на владина одлука. Затоа повторно бараме владата да ја реализира иницијативата на Достоинство поднесена во декември 2022 година и да донесе одлука за праведно обештетување на петнаесетина семејства на загинати бранители, како и триесетина воени инвалиди од 2001 година. Доколку нашата иницијатива биде отфрлена, Достоинство ќе го преиспита своето учество во владејачката коалиција предводена од СДСМ и ДУИ“, напиша Ангелов на Фејсбук.