Пристигнувањето на Дедо Мраз е дел од дневната програма на осумдневниот „Новогодишен базар 2023″ што се реализира од 22 месецов.
Претпладнево дечињата се забавуваа со богатата програма: во 11 часот, претставата „Веселиот Дедо Мраз”, настапот на „5+ фамилија” и магионичарот Кристијан Шопов, а за повозрасните беше организирана музичка забава со домашни изведувачи.
Градоначалникот на Општина Крива Паланка, Сашко Митовски, ги поздрави присутните на плоштадот, посочувајќи дека денес градот живее во друга димензија, исполнет со многу луѓе, туристи, млади, и многу дечиња, кои заедно уживаат во програмата што општината ја приреди за сите генерации и е пример за таков вид концепт на предновогодишна понуда која веќе трета година се реализира, а почнаа да ја следат голем број градови од државата.
