Манифестацијата, организирана од црковниот одбор при храмот „Света Троица“ во соработка со Езерото рибник „Јасика“, привлече многу граѓани и учесници. Во водите на езерото скокаа повеќе храбри момци и само едно девојче – Ива Василевска, која доби специјален ваучер од бутик „Билјана“ во Драчево како признание за нејзината храброст.
Градоначалникот на Аеродром, Дејан Митески, присуствуваше на настанот и се вклучи како еден од донаторите. Благодарност беше упатена и кон останатите поддржувачи, меѓу кои компаниите „Зегин“, „Силбо“, „Ваташа“, како и хуманитарната организација „Свети Спас“.
Организаторите посебно ги пофалија тимовите од ЕСЗ „Тигар“, полициската станица Аеродром, итната медицинска помош и лекарите Д-р Трене Дамјановски, Д-р Давид Митановски и Д-р Елена Петреска, како и г-дин Зоран Ѓуроски за нивната несебична поддршка и ангажман во обезбедувањето на безбедноста и здравјето на учесниците.
Прославата заврши во празничен дух, со честитки до сите учесници за нивната храброст и посветеност на оваа вековна традиција.
