Британското министерство за надворешни работи соопшти дека шведските власти успешно спречиле некои планирани напади и извршиле апсења, пренесува Ројтерс.
„Би требало да бидете внимателни во овој момент. Терористите веројатно ќе се обидат да извршат напади во Шведска“, се наведува во соопштението и се додава дека мети би можеле да бидат места кои ги посетуваат странци.
Шведскиот советник за национална безбедност Хенрик Ландерхолм ја призна валидноста на британското соопштение и повтори дека поради палењето на светата книга Куранот е загрозена безбедноста во неговата држава.
