Според анкетата на Њујорк Тајмс, републиканскиот милијардер води пред својот демократски предизвикувач во Невада со (52/41 отсто), Џорџија (49/43), Аризона (49/44), Мичиген (48/43) и Пенсилванија (48/44), а Џо Бајден води во Висконсин со (47/45). Во сите тие сојузни држави, Џо Бајден победи во 2020 година.
Анкетата била спроведена телефонски од 22 октомври до 3 ноември меѓу 3.662 регистрирани гласачи во шест држави. Нејзините резултати треба да се земат со претпазливост бидејќи до изборите има уште една година, а маргината на грешка е меѓу 4,4 и 4,8 процентни поени во зависност од државата.
Но, овој тренд не му оди во прилог на Џо Бајден бидејќи 67 отсто од испитаниците сметаат дека земјата оди во лоша насока, 59 отсто не го одобруваат начинот на кој тој ги извршува своите претседателски должности меѓу нив 46 отсто воопшто не го одобруваат, а 71 отсто сметаат дека на 80-годишна возраст тој е „престар за да биде успешен претседател“.
Џо Бајден губи најголема поддршка кај младите, само 41 отсто од младите на возраст од 18 до 29 години велат дека дефинитивно или веројатно ќе гласаат за него, додека за Трамп ќе гласаат 40 отсто од младите од истата група.
Таборот на Бајден брзо ги минимизираше резултатите. „Прегледите една година однапред лесно може да се променат една година подоцна“, рече Кевин Муњоз, портпаролот на Бајден.
Тој се повика на анкета која предвидуваше убедлив пораз на претседателот Барак Обама една година пред неговата реизборна кандидатура во 2012 година и среднорочните избори во 2020 година кои се очекуваше да бидат катастрофални за Бајден, но демократите тогаш ја намалија штетата.
„Ќе победиме во 2024 година благодарение на напорната работа и без грижа за една анкета“, додаде тој.
