Бајден го повика Нетанјаху на пауза за да се овозможи напредок во ослободувањето на заложниците кои ги држи Хамас, но и да се олесни влезот на хуманитарна помош. Белата куќа официјално објави дека Бајден и Нетанјаху исклучиво разговарале за „тактички паузи“ за време на актуелната криза.
Со договор на овие две страни, паузата би била искористена за дополнителна проверка на идентитетот на сите заложници и обезбедувањето комплетен список со имиња, иако за време на разговорот израелскиот премиер истакна дека „не му верува на Хамас, кој не е подготвен за договор“.
Исто така разговор се водеше и меѓу израелскиот претседател Исак Херцог и американската потпретседателка Камала Харис, која ја истакна „важноста од заштита на животите на цивилите“ и „почитувањето на меѓународното хуманитарно право“.
