САД велат дека инцидентот се случил во саботата додека американскиот разурнувач УСС Чунг-Хун и канадската фрегата ХМЦС Монтреал вршеле транзит низ теснецот меѓу Тајван и континентална Кина под името на „слободата на навигацијата“, пишува АП.
Кина тврди дека демократски самоуправниот остров Тајван е дел од кинеската територија и тврди дека теснецот е ексклузивна економска зона на Кина, додека САД и нивните сојузници редовно пловат и летаат над преминот.
За време на пловењето во саботата, кинескиот разурнувач со наведувани проектили го престигна Чунг-Хун од левата страна, а потоа скршна пред носот на бродот на растојание од околу 137 метри, според американската Индо-пацифичка команда. „Американскиот разурнувач го задржа својот курс, но ја намали брзината на 10 јазли за да избегне судир“, соопшти војската.
На видеото објавено денеска се гледа како кинески брод му го пресекува патот на американскиот брод, а потоа се исправа и се движи во паралелна насока. Индо-пацифичката команда рече дека акциите ги прекршиле поморските правила за безбедно минување во меѓународните води. Кинескиот брод не се обиде на сличен маневар пред канадската фрегата, која пловела зад американскиот разурнувач.
„Транзитот на Чунг-Хун и Монтреал низ Тајванскиот теснец ја покажува заедничката американско-канадска посветеност на слободен и отворен Индо-Пацифик. Војската на САД лета, плови и оперира безбедно и одговорно секаде каде што дозволува меѓународното право“, соопшти Индо-пацифичката команда.
Соединетите Американски Држави неодамна ја обвинија Кина дека исто така спроведува непотребно агресивни маневри во воздух, велејќи дека кинески борбен авион Ј-16 летал директно пред носот на извидувачки авион на американското воено воздухопловство над Јужното Кинеско Море кон крајот на минатиот месец.
Инцидентот во Тајванскиот теснец се случи на ден кога и американскиот секретар за одбрана Лојд Остин и кинескиот министер за одбрана генералот Ли Шангфу беа во Сингапур на годишна конференција за одбрана.
