На официјалниот профил на социјалната мрежа Икс, амбасадата на САД во Сараево прашува „што е со потребите на граѓаните на Република Српска“ и „каде се парите“.
Покрај тоа, Амбасадата објави извештаи на Канцеларијата на министерството за финансии на САД за контрола на странскиот имот (ОФАЦ) за санкциите наметнати на членови на семејството на претседателот на РС Милорад Додик.
Sanctioned individuals and the politically powerful run the RS like a family business where family and friends benefit. What about the needs of RS citizens? #WhereIsTheMoney pic.twitter.com/aeawtLYktI
— US Embassy Sarajevo (@USEmbassySJJ) July 26, 2024
Во тие извештаи се наведува дека во октомври минатата година се воведени санкциите на синот и ќерката на Додик, Игор и Горица Додик, и фирми кои се во нивна сопственост.
Американската амбасада во БиХ веќе неколку дена им поставува прашање на властите на Република Српска каде се парите за кои тој ентитет на БиХ се задолжил преку берзите.
Амбасадата тврди и дека преку фирми кои се доведуваат во врска со семејството Додик се извлечени јавни средства од Република Српска со цел богатење на сметка на граѓаните.