Избраниците на Артета ја завршија 2023 со два порази во низа, но ја отворија новата година со две победи.
По убедливиот триумф од 5-0 над Кристал Палас, Арсенал вечерва славеше со 1-2 и на гостувањето кај Нотингем Форест.
„Топчиите“ го имаа поседот на топката, на моменти дури и 95%, но тешко креираа шанси. Бункерот на домаќините беше пробиен во 65. минута, Жесус од тежок агол успеа да ја протне топката низ нозете на домашниот голман и да донесе 0-1.
Кога Нотингем Форест се отвори малку повеќе, Сака заврши еден брз против напад за 0-2 во 72. минута од мечот.
До финишот, Авонији само намали на 1-2, па Арсенал по 25 години се радува на победа на гости кај Нотингем Форест.
На останатите денешни натпревари во Премиерлигата, Њукасл со 1-3 славеше кај Астон Вила, Кристал Палас со 3-2 го совлада Шефилд јунајтед, а Лутон со 4-0 триумфираше против Брајтон. На натпреварот помеѓу Фулам и Евертон немаше погодоци.
