„Исто така, ги потсетуваме возачите на тешки товарни возила да бидат исклучително совесни и внимателни, да користат зимска опрема и да ги почитуваат сите евентуални препораки и забрани од МВР. Потсетување до граѓаните и на бесплатниот телефонски број за итни повици 112 на кој можат да пријават настани или случувања кои преставуваат ризик или опасност по животот на луѓето и матерјалните добра“, велат од ЦУК.
Во текот на последните 24 часа на Единствениот повикувачки број за итни случаи 112 се регистрирани вкупно 2209 повици. Од нив „реални“ повици биле 1440, а остантите 769 биле за други потреби на граѓаните кои не биле итни.
Кон полицијата биле упатени 305 , кон итната медицинска помош 69, кон пожарникарите 4 или и кон ЦУК 50 од вкупно примените повици во изинатите 24 часа. Сите овие повици за итни случаи биле предмет на примање и обработка во ЦУК, а и на директно координирање за нивно решавање со институции и служби во Системот за управување со кризи (ЦУК).
Од Македонија пат информираа дека е укината забраната за сообраќај за тешки товарни возила преку планинскиот превој Стража и на патните правци Крива Паланка – граничен премин Деве Баир и Кичево-Охрид преку превојот Пресека.
Поради врнежи од снег сѐ уште е на сила забраната за сообраќај за тешки товарни возила на регионалниот пат Р1303, Прилеп – Македонски Брод, и на патните правци Дебар – Маврово и Тетово – Попова Шапка, патен правец на кој има забрана за движење за товарни возила, а за сите останати видови возила е задолжителна употреба на зимска опрема.
