„Ова е сигнал до меѓународната заедница, до колективниот Запад, кој е колективен само на површина, но целосно фрагментиран во пракса, дека Западот сега ќе се соочи со ослободеното лудило на чудовиштето што го одгледаа, хранеа, опремуваа, снабдуваа со оружје без контрола и го опсипуваа со пари“, посочи Захарова.
Според руското Министерство за одбрана, синоќа над руските региони биле соборени 337 украински беспилотни летала, од кои 91 над Московската област. Градоначалникот на Москва, Сергеј Собјанин, објави дека противвоздушната одбрана го одбила досега најголемиот напад со беспилотни летала врз руската престолнина.
Во Подмосковље загинаа две лица, а повеќе од 10 се повредени. Во нападот беа оштетени станбени и други објекти и изгореа десетици возила. Рускиот истражен комитет покрена кривична истрага за терористички акт во врска со големиот напад.
