Претходно неделава американскиот претседател кажа дека сака трајно да ги пресели Палестинците од Појасот Газа во Египет и Јордан и да ги расчисти урнатите згради за таму да направи „ривиера под американска сопственост“. „Сега најважно е да се пружи потребната хуманитарна помош на сите на кои им е потребна“, кажа портпаролката на руската дипломатија Марија Захарова.
„Ние сметаме дека денес главната задача е да се обезбеди имплементација на договорот меѓу Израел и Хамас“, додаде таа. „Какви било популистички, лесномислени и шокантни тврдења за какви било други палијативни мерки во овој момент се контрапродуктивни и не придонесуваат на решавање на проблемот туку само ги креваат тензиите во регионот и постоечките екстремно тешки проблеми“, заклучи Захарова.
