Откако претседателот на Унгарија Тамаш Шулјок во Будимпешта му го додели Големиот крст на Орденот за заслуги со ѓердан и златна ѕвезда, Вучиќ кажа дека тоа зборува за српско-унгарските односи кои се најдобри во историјата. Истакна дека многу труд е вложено во односите на двете земји и дека верува дека таа политика ќе се води и во иднина.
Тој истакна дека доделениот орден е уште еден камен на прекрасниот пат на соработката на Србија и Унгарија.
Веома сам срећан и поносан што сам данас примио орден, што сам примио Велики крст са звездом на огрлици, и то за мене значи много више од било које речи коју могу да изговорим.
Хвала вам и нека вечно живи пријатељство српског и мађарског народа.@avucic #Vucic #Srbija pic.twitter.com/xfhSWDPIid— ОО СНС ИНЂИЈА (@oosnsindjija) February 18, 2025
„Направивме многу на помирувањето на Србите и Унгарците, никогаш не е доволно, но јас сум сигурен дека отпорноста која ќе ни биде потребна во иднина ќе биде поголема отколку што ние очекуваме. Отпорноста нашите односи да се засновани на реалните интереси, но и на искреното пријателство меѓу нашите народи“, истакна Вучиќ.
Додаде дека секогаш кога на Србија или нему лично им било тешко, наоѓале пријателска рака во Будимпешта.
„Истовремено пружавме рака на пријателство и без оглед на тоа што сме помали, не сме дел од Европската Унија, послаби сме, се чини дека во тој однос верноста и лојалноста на пријателството на секој начин ги докажавме. Овој орден го прифаќам како огромна чест, но и во име на сите граѓани на Србија кои денес знаат да ја ценат Унгарија и да го сакаат унгарскиот народ и да сметаат на заедничка иднина“, истакна српскиот претседател.
