„Согласно законот за архивско работење член 15 од Уредбата на Владата за канцелариско и архивско работење не е дозволено заведување на предмети со претходен датум односно антидатирање на предмети. Сите документи/записи, писарницата ги испраќа истиот ден кога ќе ги прими потпишани или најдоцна ден по приемот“, вели Андоновски.
Тој го повика Управниот инспекторат и другите надлежни институции да влезат во Мнистерството за информатичко општество и администрација и да ги испитаат „логовите од ДМС системот кога се изработени документите, кога се заведени и со кој датум се заведени“.
„Гарантирам дека одговорност ќе има, или сега или после изборите“, категоричен е Андоновски во соопштението што денеска го испрати до јавноста.
