Постерите, адресирани до „драги посетители“ на погрешно напишан англиски, тврдат дека здравствените власти наредиле евакуација на локалните „приватни пансиони за да го заштитат јавното здравје на постојаните грчки жители“. Повикувајќи се на непостоечка наезда на стеници, тие им се закануваат на посетителите со казна од 500 евра доколку не го напуштат сместувањето и учтиво им посакале пријатен престој во Грција.
Hoaxers tried to scare tourists out of short-term rental apartments in Athens with fake bedbug warnings. #Greece / HT Nicholas Paphitishttps://t.co/fppt0YeEDW pic.twitter.com/WgiG1BQp1C
— Derek Gatopoulos (@dgatopoulos) December 5, 2023
Покрај кризата со животните трошоци, Атина и други делови на Грција се соочуваат и со станбени проблеми, кои главно се предизвикани од зголемувањето на бројот на станови за краткорочно изнајмување, најмногу наменети за странски посетители. Ова поттикна пораст на долгорочни трошоци за изнајмување за Грците, од кои многумина биле принудени да ги напуштат станбените области во центарот на Атина, пишува Гардијан.
Police in Greece investigate after tourists targeted in bedbug hoax https://t.co/G5hH7JcVs4
— Guardian news (@guardiannews) December 5, 2023
Вредноста на недвижностите исто така расте, делумно поради програмата „златна виза“ која им нуди престој на странските инвеститори во недвижности. Туризмот е водечки двигател на грчката економија, чини една петтина од нејзиното годишно производство, а оваа година се очекува да биде рекордна во однос на пристигнувања.
Министерството за здравство соопшти дека побарало од полицијата да направи сѐ што е потребно за да се справи со измамата. Во него се вели дека „никому не му е дозволено да ја тероризира и дезинформира јавноста“ со проблеми од јавното здравје. Грција нема забележано поголеми проблеми со крвопијците кои неодамна предизвикаа непријатности во Франција.
Стениците, кои во голема мера исчезнаа од секојдневниот живот до 1950-тите, повторно се појавија во последните децении и станаа сè поотпорни на хемиски третмани. Можат да бидат присутни во душеците, но и во облеката и багажот, а излегуваат навечер да се хранат со човечка крв.
