Фудбалската федерација на Белгија се соочи со проблем за мечот со Израел, ниту еден град во земјата кој има услови за одигрување на натпреварот, не сака да биде домаќин.
Причината е политичката чуствителност поради војната во Газа, па потребни се големи сигурносни мерки за да се организира меч на кој ќе игра Израел.
Белгиската федерација се консултирала и со УЕФА за алтернативна локација, фаворит е Унгарија.
Меѓу градовите кои одбија да бидат домаќини се Лиеж, Брисел, Лувен, Антверпен и Бриж.
„Со оглед на драматичната ситуација во Газа и геополитичкиот шок кој се случува, натпреварот нема да се игра во Брисел поради сигурност на посетителите, играчите и граѓаните. Натпреварот носи неразмерна опасност, дури и ако се одигра зад затворени врати“, изјавија од градот Брисел, а слични се ставовите и на останатите градови кои одбија.
И покрај случувањата во Газа, УЕФА не го суспендираше Израел од натпреварувањата, па репрезентациите кои играат со оваа земја се наоѓаат во проблеми за да ги организираат мечевите.