недела, 2 февруари 2025

ВМРО-ДПМНЕ: Реформите во судството ги кочи СДС

Трулиот судски систем носи жртви, затоа бараме реформи кои СДС ги кочи. Смртта на Фросина можеше да биде избегната, ако трулиот правосуден систем го ставеше возачот кој ја усмрти зад решетки за дело кое претходно го сторил, наместо во поправен дом, се вели во денешното соопштение на ВМРО-ДПМНЕ.

Објавено на

часот

Сподели

„Возачот кој ја усмртил младата Фросина Кулакова претходно бил осуден за кривично дело трговија со дрога, но судот, наместо да досуди казна затвор, досудил истиот казната да ја помине во поправен дом. Истиот, не бил малолетен кога бил осуден, и според тоа не можел по ниеден основ да оди во поправен дом, туку морал да одлежи казна затвор.

Тоа што наместо во затвор, тој бил упатен во поправен дом, резултираше со трагичната сообраќајка чиј причинител е.
Овој случај како и многу други до сега, покажува зошто се потребни реформи во судството. Одговорност мора да има на сите нивоа.

Воедно го повикуваме ЈО и судот во овој случај да постапуваат со максимална посветеност, будност и внимание. Граѓаните, а и ВМРО-ДПМНЕ очекува возачот до добие најстрога казна“, се вели во партиското соопштение.

ТОП ВЕСТИ

ПОСЛЕДНИ ВЕСТИ