„Сакале или не, луѓето сакаат да видат малку благодарност“, рече Валас на маргините на самитот на НАТО во Вилнус, запрашан да ја коментира изјавата на Зеленски дека е „апсурдно“ тоа што Киев не добил точен датум и услови, пренесува Гардијан.
Тој изјави дека минатата година отпатувал во Украина каде што добил список со оружје што треба да се испорача.
„Знаете, ние не сме Амазон. Тоа им го кажав и минатата година, кога се возев 11 часа само за да добијам список“, рече Валас.
Сепак, тој додаде дека го разбира Зеленски и дека конечниот одговор на самитот е добар за Киев.
