Деби, кој пристигна на Флорида како ураган од прва категорија, во меѓувреме беше деградиран на тропска бура, ја исфрли дрогата на брегот во Флорида Кис, напиша на социјалните мрежи вршителот на должноста шеф на американската гранична контрола Семјуел Бригс.
„Ураганот Деби донесе 25 пакувања кокаин на плажа во Флорида Кис“, напиша Бригс, објавувајќи фотографии од пакетите.
Hurricane Debby blew 25 packages of cocaine (70 lbs.) onto a beach in the Florida Keys. Good Samaritan discovered the drugs & contacted authorities. U.S. Border Patrol seized the drugs, which have a street value of over $1 million dollars.#Hurricane #Debby #Florida #floridakeys pic.twitter.com/nsjKu6qm8V
— Samuel Briggs II (@USBPChiefMIP) August 5, 2024
Во пакувањата имало 32 килограми кокаин.
Бригс додаде дека дрогата, чија улична вредност е над 1 милион долари, ја пронашол случаен минувач кој потоа ги контактирал властите.
Пакети со кокаин често се наоѓаат на брегот на Флорида, како и во нејзината околина, бидејќи Флорида е во непосредна близина на карипските транзитни центри за шверц на дрога од Јужна Америка во САД и Европа, пренесува Си-би-ес.
