Не е сосема јасно дали владата има намера да го премести настанот во затворен простор или и да му го ограничи пристапот.
Се чини дека планот е дел од ограничувањата на премиерот Виктор Орбан за активностите на ЛГБТК+ заедницата додека националистичкиот лидер се подготвува за избори во 2026 година. Членовите на заедницата веруваат дека Прајдот е семеен настан и не претставува закана за децата.
Долгогодишен сојузник на претседателот Доналд Трамп, Орбан им рече на приврзаниците во саботата дека организаторите на Парадата на гордоста „не треба ни да се мачат“ да го организираат настанот оваа година бидејќи тоа би било „губење пари и време“, без да наведе детали.
Неговиот шеф на кабинет Гергели Гуљас во средата за порталот 24.ху изјави дека Парада на гордоста не треба да се одржува на начин како што беше во минатото и дека главната цел е да се заштитат децата, но дека не гледа ризик ако „парадата се одржува во затворен простор“. Тој, исто така, рече дека владата ќе разговара за ова прашање на состанок во среда, а подоцна ќе го претстави предлог-законот. Организаторите на Парадата на гордоста не одговорија веднаш на новинарско барање за коментар.
Истополовите бракови не се признаваат во Унгарија, а владата на Орбан го редефинира бракот во Уставот како заедница меѓу маж и жена и им оневозможи на геј паровите да посвојуваат деца.
