Системите за противвоздушна одбрана уништиле беспилотно летало кое било насочено кон нуклеарната централа во регионот Смоленск, кој граничи со Белорусија, напиша гувернерот Василиј Анохин на апликацијата за размена на пораки Телеграм.
Нуклеарната централа Смоленск, најголемата централа за производство на електрична енергија во северозападна Русија, работи нормално, јави државната новинска агенција РИА, повикувајќи се на прес-службата на централата.
Good morning Dear World ✌️🔥 pic.twitter.com/uyrGvNSQfF
— MAKS 24 🇺🇦👀 (@Maks_NAFO_FELLA) January 29, 2025
Руското Министерство за одбрана на Телеграм објави дека 104 беспилотни летала учествувале во нападите низ западна Русија, а 11 беспилотни летала се уништени над регионот Смоленск. Вкупно, руската противвоздушна одбрана соборила беспилотни летала во девет региони, од кои речиси половина над регионот Курск, каде што руските сили се борат да ги истераат украинските војници.
Рускиот петрохемиски гигант Сибур соопшти дека утринава ја прекина работата во рафинеријата во Кстово, откако остатоци од украински дрон предизвикаа пожар. Нема жртви во фабриката, која се наоѓа во регионот Нижни Новгород на околу 800 километри од украинската граница, соопшти компанијата, додавајќи дека службите за итни случаи се на терен.
🤩✌️ More BAVOVNA from Kstovo, Russia pic.twitter.com/NZtwpVmHmQ
— MAKS 24 🇺🇦👀 (@Maks_NAFO_FELLA) January 28, 2025
Едно лице е повредено и хоспитализирано како резултат на напад со беспилотно летало на Белгородската област која граничи со Украина, соопшти тамошниот гувернер. Рускиот авијациски регулатор Росавијација привремено ги прекина летовите на аеродромот Казан во Руската Република Татарстан и аеродромот Пулково во регионот Ленинград.
Двете страни негираат дека целеле цивили во своите напади во војната што Русија ја започна со целосна инвазија во февруари 2022 година. Киев тврди дека неговите напади во Русија се насочени кон уништување на инфраструктурата клучна за воените напори на Москва.
