Во интервју за Ер форс уан во петокот, Трамп рече дека е „подобро да не каже“ на прашањето колку пати двајцата лидери разговарале.
„Тој (Путин) сака луѓето да престанат да умираат“, изјави Трамп за Њујорк пост.
Кон крајот на јануари, портпаролот на Кремљ Дмитриј Песков изјави дека Путин е подготвен за телефонски разговор со Трамп и дека Москва чека порака од Вашингтон дека и тие се подготвени.
Во петокот, Трамп рече дека најверојатно ќе се сретне со украинскиот претседател Володимир Зеленски следната недела за да разговараат за завршување на војната.
Војната што започна со целосна руска инвазија на Украина ќе ја одбележи својата трета годишнина на 24 февруари. Илјадници луѓе, огромно мнозинство од нив Украинци, беа убиени за време на конфликтот.
Трамп за Њујорк пост изјави дека „секогаш имал добри односи со Путин“ и дека има конкретен план за ставање крај на војната. Сепак, тој не откри повеќе детали.
„Се надевам дека ќе биде брзо“, рече Трамп. „Луѓе умираат секој ден. Оваа војна во Украина е толку лоша. Сакам да ставам крај на проклетата работа“.
