Попладнево, голем број на извори објавија за нова трагедија во македонскиот спорт и брифираа дека починал поранешниот селектор на ракометната репрезентација, Илија Темелковски.
Сепак, веста се покажа како лажна, самиот Илија Темелковски се огласи и ги демантираше написите.
„Поздрав до сите, јас Илија Темелковски го демантирам она што некој го измислил. Можам да порачам дека сум жив и здрав и ги демантирам сите информации во врска со тоа што некој зел за право дека сум починат. Поздрав до сите“ – вели тој во разговор со 24инфо.
Претходно и од Ракометната федерација на Македонија порачаа дека веста за смртта на Илија Темелковски била лажна.
