Организаторите денеска на прес-конференција ќе ги најават активностите и настаните кои ќе се одржуваат во рамки на „Текстилијада 7“, која, како што информираа, се обидува да ја нагласи неопходноста од постигнување правда за работниците и истовремено инспирира свежи идеи да не водат напред, извлекувајќи вредни лекции од грешките од минатото.
„Примарна цел е да иницира дискусии на локално и национално ниво, користејќи култура, уметност и дебати за воспоставување партнерства и отпочнување социјален дијалог за решавање на итни прашања кои имаат влијание врз сите, особено врз работниците и младите поединци. Настаните, кои опфаќаат и социјални и уметнички аспекти, се дизајнирани да ги мотивираат младите луѓе и работниците активно да се вклучат во процесите на донесување одлуки кои ги засегаат обичните граѓани. Наша цел е да ја подигнеме свеста за важноста на застапувањето за правата на работниците и да ги охрабриме учесниците да се движат надвор од нивните комфорни зони, прифаќајќи ја општествената одговорност“, велат од Гласен текстилец.
