„Повторуваме: престанете со нападите врз болниците. На луѓето во Газа им треба пристап до здравствена заштита. На хуманитарците им треба пристап за да обезбедат медицинска помош. Примирје!“, додаде тој.
Израелската армија соопшти дека цел на вчерашниот напад врз болницата Ал Вафа во градот Газа биле милитанти на Хамас, а според извештајот на палестинската цивилна одбрана, во нападот загинале седум лица.
Hospitals in #Gaza have once again become battlegrounds and the health system is under severe threat.
Kamal Adwan Hospital in northern #Gaza is out of service — following the raid, forced patient and staff evacuation and the detention of its director, Dr Hussam Abu Safiya two…
— Tedros Adhanom Ghebreyesus (@DrTedros) December 30, 2024
Израелските сили, исто така, приведоа повеќе од 240 Палестинци во болницата Камал Адван во петокот, вклучително и десетици медицински работници, меѓу кои и директорот на болницата, Хусам Абу Сафија, според здравствените власти во Газа и израелската војска.
Израелската војска тврди дека болницата била користена како команден центар за воените операции на Хамас и дека уапсените се осомничени милитанти. Абу Сафија е приведен на сослушување бидејќи е осомничен дека е член на Хамас, рекоа тие.
Тедрос, кој минатата недела беше во близина на израелскиот напад на главниот аеродром во Јемен, за што рече дека можело да го чини живот, повика на итно ослободување на Абу Сафија и рече дека била гаѓана и болницата Ал-Ахли.
Thank you to all my friends, colleagues, and everyone who has wished me well during the ordeal in the past few days.
I’m especially grateful to the colleagues and airport staff, who were selfless as they tried to protect me.
We faced a very dangerous attack, but my @UN… pic.twitter.com/hGsA8J9XCI
— Tedros Adhanom Ghebreyesus (@DrTedros) December 28, 2024
Тедрос рече дека СЗО и партнерите испорачале основни медицински материјали, храна и вода во индонезиската болница во Газа и транспортирале 10 тешко болни пациенти во болницата Ал Шифа. При тој трансфер биле приведени четворица пациенти, рече тој.
„Го повикуваме Израел да се погрижи да се почитуваат здравствените потреби и правата на пациентите“, рече тој.
