Ројтерс објави дека утрово избувнал пожар во рафинерија за нафта во сопственост на руската компанија Лукоил во близина на градот Ухта во руската република Коми, изјави шефот на регионот, Ростислав Голдштејн. Никој не е повреден, а итните служби работат на местото на настанот, објави Голдштејн на апликацијата Телеграм.
Пожарот избувнал откако украинските беспилотни летала погодиле инфраструктура која се смета за стратешки важна за снабдувањето со гориво во Русија, во услови на засилени напади врз енергетската инфраструктура по краткото намалување на интензитетот за време на мировните преговори минатиот месец. Украинските власти, вклучувајќи го и претседателот Зеленски, постојано повторуваат дека нападите врз руските нафтени рафинерии се „најдобрите санкции“.
Meanwhile in Russia’s Ukhta.
The local refinery keeps getting hit by drones as we speak.
1,800 km away from the Ukrainan border. pic.twitter.com/TZMDIrIIg6
— Illia Ponomarenko 🇺🇦 (@IAPonomarenko) February 12, 2026
Снимки од густи облаци од црн чад што се извишуваат над областа на рафинеријата Ухта веднаш по нападот со беспилотно летало циркулираат на социјалните медиуми, илустрирајќи го обемот на инцидентот и влијанието на нападот далеку на руска територија.
Russian Telegram channels report a drone attack and subsequent fire at Ukhta oil refinery plant in Ukhta, Komi region of Russia.
It’s located over 2,000 km from the Ukrainian border. pic.twitter.com/ATCEcdkMCH— Anton Gerashchenko (@Gerashchenko_en) February 12, 2026
Рафинеријата Ухта, позната како Лукоил-Ухтанефтепереработка, е еден од клучните објекти во руската нафтена индустрија. Работи од 1934 година и е специјализирана за преработка на тешка сурова нафта од сливот Тиман-Печор, произведувајќи разни нафтени деривати како бензин, дизел и други горива.
Суровините обично се доставуваат до фабриката преку нафтоводот Уса-Ухта, додека готовите производи се транспортираат со железница и камиони. Објектот е дел од поголема мрежа на рафинерии контролирана од руската мултинационална енергетска компанија Лукоил, една од најголемите рафинериски групации во земјата со капацитети што вклучуваат и други постројки во регионите Волгоград, Перм и Нижни Новгород.
