„Претседателот Трамп ќе продолжи да склучува мировни договори, да прекинува војни и да спасува животи. Тој има срце на хуманитарец и може да поместува планини со силата на својата волја како никој друг“, објави Чунг на мрежата Икс.
„Нобеловиот комитет докажа дека ја цени политиката пред мирот“, додаде тој.
Норвешкиот Нобелов комитет ја додели годишната награда на венецуелката Марија Корина Мачадо, наведувајќи ги „храбрите бранители на слободата кои се креваат и се спротивставуваат“ на авторитарното раководство.
Трамп агресивно се залагаше за наградата, а токму оваа недела објави прекин на огнот и договор за заложници за да се стави крај на војната во Газа.
Републиканскиот претседател сè уште не ја коментираше одлуката за Нобелова награда, но објави три видеа на својот профил на Трут соушл во петокот наутро на кои поддржувачи го слават договорот за Газа.
