„Германија тукушто ѝ даде на својата шпионска служба да ја шпионира опозицијата. Тоа не е демократија, туку маскирана тиранија. Вистинскиот екстремизам не го претставува АфД, која на неодамнешните избори го освои второто место, туку емиграциската политика на отворени граници на германскиот естаблишмент, на која АфД се противи“, кажа Рубио.
„Германија треба да го смени курсот“, исткна тој.
Germany just gave its spy agency new powers to surveil the opposition. That’s not democracy—it’s tyranny in disguise.
What is truly extremist is not the popular AfD—which took second in the recent election—but rather the establishment’s deadly open border immigration policies…
— Secretary Marco Rubio (@SecRubio) May 2, 2025
Во петок германската Сојузна канцеларија за заштита на уставот (БФВ) ја прогласи Алтернатива за Германија за „чисто ектремистичко десничарско движење“ на територијата на целата земја, а не само во сојузните држави Саксонија, Тирингија и Саксонија-Анхалт.
Ознаката овозможува построг надзор од органите за безбедност над активностите на АфД и е чекор до нејзина целосна забрана. Канцеларот во заминување Олаф Шолц предупреди дека таквата одлука не би требало да се носи без внимателно разгледување.
Претседателите на АфД Тино Крупала и Алис Вајдел изјавија дека одлуката на БФВ е „сериозен удар по демократијата“ во Германија и политички мотивирано мешање во процесот на формирање нова влада.
