Овој потег го оневозможува издавањето визи за влез во САД на лицата погодени од санкциите, соопшти американскиот Стејт департмент, но не појасни за кои поединци точно се работи.
„Во интерес на нашата национална безбедност е да се наметнат последици и ПЛО и ПС да ја сносат вината за неисполнување на нивните обврски и поткопување на перспективите за мир“, се вели во соопштението на Стејт департментот.
BREAKING: State Department announces visa ban sanctions for members of the Palestinian Authority and PLO “undermining the prospects for peace.” pic.twitter.com/RH87gOmLGt
— Elizabeth Hagedorn (@ElizHagedorn) July 31, 2025
Стејт департментот соопшти дека двете палестински организации „презеле чекори за интернационализирање на нивниот конфликт со Израел“, вклучително и преку Меѓународниот кривичен суд, додавајќи дека обете продолжуваат да „поддржуваат тероризам“. Претставници на Палестинската самоуправа и Организацијата за ослободување на Палестина не беа веднаш достапни за коментар.
Санкциите доаѓаат на денот кога се очекува американскиот специјален претставник Стив Виткоф да пристигне во Израел во обид да ги спаси преговорите за прекин на огнот во Газа и да ја ублажи хуманитарната криза во палестинската енклава. Израел се соочува со зголемен меѓународен притисок поради војната во Газа, неколку западни сили изјавија дека ќе ја признаат палестинската држава.
