„Претседателе, вие сте на погрешен пат. Пристапувањето кон ЕУ е процес базиран на заслуги. Земјите-членки ги поставуваат условите, а не земјите-кандидатки“, кажа Орбан во соопштение упатено до Володимир Зеленски.
Dear Mr. President,
You are on the wrong track. EU accession is a merit-based process. Member States set the conditions — not the candidate countries. https://t.co/eoUMdAsEwE— Orbán Viktor (@PM_ViktorOrban) February 12, 2026
Зеленски претходно изјави дека „важно е Украина да направи сè за да биде технички подготвена за пристапување во ЕУ до 2027 година. Барем главните чекори ќе ги исполниме“. Тој додаде дека Украина „сака точен датум“ бидејќи, ако го нема, Русија ќе ја искористи таа ситуација.
Во друга објава Орбан кажа дека верува оти пристапувањето на Украина кон Европа би довело до војна.
„Зеленски отворено бара членство во ЕУ до 2027 година и го третира тоа како гаранција за воена безбедност, додека украинските воени лидери испраќаат остри закани до Унгарија. Пристапувањето на Украина кон ЕУ нема да донесе мир, туку војна во Европа“, истакна Орбан.
„Унгарија нема да финансира, вооружува или легитимира закана за сопствената безбедност“, порача унгарскиот премиер.
