„Оваа вежба испраќа јасен сигнал до секој потенцијален противник дека можеме и ќе ги заштитиме и одбраниме сите наши сојузници од каква било закана“, изјави генералниот секретар на НАТО Марк Руте во воздухопловната база Фолкел во Холандија.
Во вежбата ќе учествуваат воени бази во Клајне Брогел во Белгија, Лакенхит во Велика Британија и Скридструп во Данска. „Мора да го направиме ова затоа што ни помага да се осигураме дека нашето нуклеарно одвраќање останува што е можно покредибилно, сигурно и поефикасно“, додаде Руте.
Во вежбата не се користи нуклеарно оружје, но се симулираат сценарија во кои би можело да се користи, изјавија претставници на НАТО.
Директорот за нуклеарна политика на НАТО Џим Стоукс им изјави на новинарите во седиштето на алијансата во Брисел дека вежбата Стедфаст нун е „рутинска“ и „не е насочена кон ниту една земја“. „Исто така, не е поврзано со никакви настани од реалниот свет“, рече тој.
