„Не станува збор само за испраќање антизападни сигнали, туку овој автократски сојуз претставува директен предизвик за меѓународниот поредок заснован на правила“, рече Калас.
Таа додаде дека не се работи само за симболика. „Руската војна во Украина има кинеска поддршка. Ова е реалноста со која Европа мора да се соочи“, истакна Калас.
Рускиот претседател Владимир Путин и севернокорејскиот лидер Ким Џонг Ун стоеја покрај претседателот Си Џинпинг на огромната воена парада во Пекинг.
На парадата, меѓу другите, учествуваа и иранскиот претседател Масуд Пезешкијан и пакистанскиот премиер Шебаз Шариф.
