По изборите во неделата, на владејачката Либерално-демократска партија (ЛДП) на Ишиба и нејзиниот помал коалициски партнер Комеито им недостасуваат три места за да го задржат мнозинството во горниот дом на парламентот од 248 места.
Коалицијата сега е во малцинство и во долниот и во горниот дом на парламентот, иако ЛДП останува водечка партија.
Ишиба рече дека го сфаќа резултатот сериозно, но дека негов приоритет е да избегне создавање политички вакуум и да се справи со актуелните предизвици, вклучувајќи го и рокот од 1 август за договор за царините со САД.
„Иако болно ја чувствувам мојата сериозна одговорност околу изборните резултати, верувам дека морам да ја исполнам и мојата одговорност кон земјата и народот и да не дозволам политиката да нè кочи или да нè одведе на погрешен пат. Предизвиците како што се глобалната ситуација и природните катастрофи нема да чекаат подобра политичка ситуација“, рече тој.
Премиерот рече дека се надева дека ќе постигне заемно корисен договор со американскиот претседател Доналд Трамп и дека ќе се сретне со него.
Вчерашните избори за горниот дом на парламентот се одржаа откако коалицијата на Ишиба го загуби мнозинството на изборите за долниот дом во октомври, погодена од корупциски скандали, а неговата непопуларна влада оттогаш е принудена да прави отстапки кон опозицијата за да го протурка законодавството во парламентот.
Не беше во можност да го запре растот на цените, вклучително и за оризот, јапонскиот основен производ, и падот на платите.
Трамп додаде сол на раната на Ишиба жалејќи се за недостаток на напредок во трговските преговори и недостаток на продажба на американски автомобили и американски ориз во Јапонија и покрај недостатокот на домашни залихи на овој производ во земјата.
Најавените царини од 25 проценти на јапонските стоки од страна на Трамп, кои треба да стапат на сила на 1 август, претставува уште еден удар за Ишиба.
