Коалицијата што го управува бродот Хандала, кој превезувал хуманитарна помош и активисти, соопшти дека израелската војска „насилно го пресретнала“ бродот во меѓународни води на околу 40 наутички милји од Газа, непосредно пред полноќ во саботата, прекинувајќи ги камерите и комуникациите.
На видеото објавено на интернет од активисти се гледаат пропалестински активисти како седат на палубата на бродот Хандала со рацете во воздух и ја свиркаат италијанската антифашистичка песна „Бела чао“ додека израелските војници ја преземаат контролата над бродот.
Снимањето било прекинато неколку минути подоцна.
Israeli forces illegally boarded ‘Handala’ in international waters, abducting 21 unarmed civilians.
Demand your government end its complicity in Israeli war crimes, ensure the unhindered delivery of humanitarian aid, and call for the immediate release of all crew members. pic.twitter.com/PSGDSPWznG— Freedom Flotilla Coalition (@GazaFFlotilla) July 27, 2025
„Целиот товар беше невоен, цивилен и наменет за директна дистрибуција до населението кое се соочува со намерно гладување и колапс на медицинскиот систем поради нелегалната блокада на Израел“, соопшти групата.
Израелската војска не објави дополнителни информации за ова прашање, но Министерството за надворешни работи рано утринава на мрежата Икс објави дека морнарицата го запрела бродот и го изнела на брегот.
The Israeli navy has stopped the vessel Navarn from illegally entering the maritime zone of the coast of Gaza.
The vessel is safely making its way to the shores of Israel. All passengers are safe.
Unauthorized attempts to breach the blockade are dangerous, unlawful, and… pic.twitter.com/i4AKpUBLRe
— Israel Foreign Ministry (@IsraelMFA) July 26, 2025
Ова е втор брод организиран од коалицијата на кој Израел му спречи да достави помош во Газа во последните месеци.
Експертите за исхрана со месеци предупредуваат дека Газа е во опасност од глад.
Активистката Грета Тунберг беше меѓу 12-те активисти на бродот Мадлин што беше запленет од израелската војска на почетокот на јуни.
Пресретнувањето на бродот доаѓа во време кога Израел се соочува со растечки меѓународни критики поради влошувањето на хуманитарната состојба во Газа, а расте и загриженоста за ширењето на гладот на територијата поради израелските ограничувања за испорака на помош.
Регионалната група за човекови права „Адалах“ изјави дека пресретнувањето на бродот е кршење на меѓународното право и повика на итно ослободување на 21 активист, вклучувајќи пратеници и активисти за човекови права од 10 земји.
Групата побара веднаш да се наведе каде се однесени активистите и каков е нивниот правен статус.
Пратеник од левичарската еколошка партија на Италија побара од италијанската влада да ја обезбеди безбедноста на двајца Италијанци на бродот. Според Коалицијата на Флотилата на слободата, на бродот има и седум американски државјани.
