Полицијата објави слика од бегалецот во медиумите со предупредување дека станува збор за опасен, вооружен криминалец кој нападнал и повредил маж со нож во центарот на Прага во март оваа година, а полицијата оттогаш безуспешно го бара.
Домдони Паљ, српски државјанин, беше осуден минатата недела за организирање голема криминална група која шверцувала и продавала кокаин во Чешка и Германија од март 2020 година, а самиот тој е осуден за продажба на најмалку осум килограми кокаин.
Оваа група, како и неколку други нарко-банди вклучени во одгледување коноп и шверц и продажба на марихуана, беа откриени од чешката полиција благодарение на податоците од апликацијата за шифрирана комуникација Скај, чиј код беше дешифриран во Западна Европа пред неколку години.
„Од доказите од таа апликација, детективите го открија начинот на дејствување на нелегалната трговија и количините на шверцуван кокаин. Во една од неколкуте продажби, се работи за два килограми кокаин во вредност од 64.000 евра“, изјави за медиумите Луси Шмолдасова, портпаролка на Националниот центар за борба против дрога.
Домдони Паљ бил приведен есента минатата година, но бил ослободен од притвор со кауција поголема од 41.000 евра за да се брани од слобода. По нападот со нож во март оваа година, тој исчезнал и чешката полиција се обидува да го пронајде, но безуспешно.
