Изворите велат дека во тек се дипломатски разговори, вклучително и планиран состанок на министрите за надворешни работи на Велика Британија, Франција и Германија со нивните ирански колеги во Женева во петок.
Некои извори велат дека е можно американскиот напад врз Иран да биде извршен во текот на викендот.
„Високи претставници во неколку федерални агенции, исто така, почнаа да се подготвуваат за напад“, рече еден извор.
Американскиот претседател Доналд Трамп во среда јавно зборуваше за можен напад врз Иран, велејќи дека има „идеи што да направи“.
Неколку часа претходно, Трамп рече: „Можеби ќе го направам тоа. Можеби и нема да го направам“, кога беше прашан дали се приближува напад врз Иран.
