На видеото Ердоган со левата рака го фаќа Макрон за десната рака, ја повлекува и почнува да го тапка со десната рака. Макрон потоа со левата рака одозгора ја фаќа десната рака на Ердоган.
Меѓутоа, Ердоган потоа со десната рака го фати показалецот и средниот прст од левата рака на Макрон. Макрон веднаш успева да го извлече показалецот од стисокот на Ердоган, но Ердоган го држи средниот прст на Макрон во следните неколку секунди и не го пушта.
🇹🇷🇫🇷Erdogan shows macron who’s boss and … holds his finger.
— Lord Bebo (@MyLordBebo) May 17, 2025
Откако видеото брзо се прошири, многумина почнаа да шпекулираат зошто Ердоган се однесувал вака за време на неговата кратка интеракција со Макрон.
Според турските медиуми, Ердоган реагирал на овој начин бидејќи „Макрон се обидувал да воспостави психолошка супериорност“ ставајќи ја раката на рамото на турскиот претседател.
