Според израелскиот портал Инет, Бен-Гвир во неделата наутро посетил едно од најчувствителните религиозни места во Ерусалим и се помолил, иако на еврејските посетители им е дозволено само да влезат, но не и религиозни активности. Ова однесување е директно кршење на постојниот договор и може дополнително да ги влоши тензиите во Ерусалим.
Israel’s far-right National Security Minister Itamar Ben-Gvir visited the flashpoint Al-Aqsa mosque compound in Jerusalem and said he prayed there, challenging rules covering one of the most sensitive sites in the Middle East https://t.co/rx23pNVqHg pic.twitter.com/GnQXYHhbZq
— Reuters (@Reuters) August 3, 2025
Како одговор на потегот, канцеларијата на премиерот Бенјамин Нетанјаху издаде соопштение во кое се вели дека Израел продолжува да го почитува статус квото на Храмовата гора, додавајќи дека официјалниот став на државата за ова прашање не е променет.
Покрај контроверзната молитва, Бен-Гвир за време на посетата повика на „освојување“ на Појасот Газа и им порача на Палестинците да ја напуштат територијата, дополнително поттикнувајќи шпекулации за можна ескалација на конфликтот.
Во исто време, медиумите известуваат дека премиерот Нетанјаху размислува за проширување на воената операција во Газа, со цел ослободување на преостанатите заложници што ги држи радикалната палестинска група Хамас.
Посетата на министерот Бен-Гвир и неговите изјави повторно го отворија чувствителното прашање за односот кон светите места во Ерусалим и ги поттикнаа стравувањата од поширока регионална дестабилизација.
