Иран, сепак, јасно стави до знаење дека не може да се преговара за неговото право да збогатува ураниум. „Нулто збогатување (на ураниум) е неприфатливо“, изјави висок ирански функционер близок до иранскиот преговарачки тим.
САД сакаат да го спречат Иран да развие нуклеарна бомба, а претседателот Доналд Трамп врши „максимален притисок“ со санкции и се закани дека ќе употреби воена сила доколку Иран не ја запре својата нуклеарна програма.
„Постои пат до цивилна, мирољубива нуклеарна програма ако тоа го сакаат. Но, ако инсистираат на збогатување ураниум, тогаш тие ќе бидат единствената земја во светот која нема „програма за оружје“ (…), но збогатува. Мислам дека тоа е проблематично“, рече Рубио во подкаст.
Американскиот пратеник за Блискиот Исток, Стив Виткоф минатата недела рече дека Иран не треба да збогатува над 3,67 отсто, забелешка што покрена прашања за тоа дали САД сè уште сакаат Техеран да ја укине својата програма за збогатување, за еден ден подоцна да каже дека Иран мора „да го запре и елиминира нуклеарното збогатување“.
Рубио појасни дека Виткоф зборувал за „ниво на збогатен материјал што треба да се увезува од странство, како што прават многу земји ширум светот за мирољубиви, цивилни нуклеарни програми“.
„Ако Иран сака цивилна нуклеарна програма, може да ја има како другите земји, што значи дека можат да увезуваат збогатен материјал“, рече Рубио.
Агенцијата на ОН за атомска енергија (МААЕ) предупреди дека Иран „драматично“ го забрзува збогатувањето ураниум до 60 проценти чистота, што е блиску до чистотата од 90 проценти потребна за производство на оружје.
Западот нагласува дека нема потреба да се збогатува ураниум до толку високо ниво на чистота за цивилни цели.
