„Се чини дека протестот излезе надвор од академската заедница и стекна значителна поддршка во општеството. Во моментов влегуваме во голема институционална криза, не само поради падот на владата туку и затоа што некој мора да ги претставува овие луѓе и да обезбеди да се слушне нивниот глас. Меѓутоа, не сум сигурен колку тоа ќе го постигнеме“, вели Спасојевиќ.
Истакна дека клучната порака која ќе биде испратена од Нови Сад е солидарност и истрајност.
„Студентите кои се тука присутни покажуваат спремност за сериозни лични жртви. Самата бројност на учесниците сведочи за големата поддршка која ја имаат, а тоа е клучната поддршка која сакаме да ја испратиме од Нови Сад. Се надеваме дека властите ќе ја слушнат оваа порака и дека остатокот од општеството сè посилно ќе застане со студентите. Наша одговорност е да им помогнеме и да им го олесниме притисокот бидејќи тие самите не можат да ги решат сите проблеми со кои се соочува оваа земја“, вели професорот на Факултетот за политички науки.
Инцидентите на кои укажа претседателката на српското собрание Ана Брнабиќ Спасојевиќ ги толкува како форма на закани. Тој истакна дека му се чини дека ситуацијата на теренот е под контрола и дека редарите се добро организирани.
