Омар Мармуш е третото засилување за Пеп Гвардиола овој месец, фудбалерот од Египет пристигнува на Етихад во зделка вредна околу 70 милиони евра, плус додатни 5 милиони евра во бонуси.
„Многу сум среќен, Манчестер Сити е еден од најголемите клубови во светот во последните 10 години. Чест ми е да се пристигне тука“ – рече Омар Мармуш по комплетирање на трансферот.
За Ајнтрахт Франкфурт ова е уште една одлична зделка откако не потрошија ниту едно евро за ангажман на Омар Мармуш, фудбалерот пристигна беспари како слободен агент од Волфзбург летото во 2023.
„Орлите“ во 2023 направија слична зделка кога го продадоа Рандал Коло Муани на ПСЖ за 95 милиони евра, а претходно за беспари го донесоа Французинот во своите редови.
