Барселона денеска ако победи на гостувањето кај Севиља ќе дојде на само еден бод до Атлетико Мадрид и два до Реал Мадрид. Трката во Шпанија за титулата ќе биде супер интересна.
А интересна беше и изјавата на Диего Симеоне по вчерашниот меч против Реал Мадрид, тренерот на Атлетико смета дека Барса е најдобра оваа сезона.
„Се уште верувам дека Барселона е најдобриот тим во лигата“, вели Диего Симеоне.
„Тие напѓаат многу добро, имаат неверојатна брзина во нивните фудбалери и играат многу добро како тим“.
Симеоне го прокоментира и контроверзниот пенал кој го доби неговиот тим.
„Пеналот? Тоа беше правилна одлука. Имаше ист пенал и на натпреварот Билбао – Жирона, судијата имаше иста ситуација и отиде да гледа ВАР, беше слично“.
